Promok Franz од Австрија стана севкупен победник на 37. Шарпланински Куп 2010 освојувајќи го преодниот пехар и малото шарпланинче кое традиционално се доделува на победникот, наградата му ја додели министерката за внатрешни работи г-цата Гордана Јанкуловска. Второто место во севкупен пласман го освои Georgiev Stefan од Бугарија, третото место му припадна на Cater Martin од Словенија. Потпретседателот на организациониот комитет Мирослав Крстовски на директорот на 37. Шарпланинскиот куп Бојан Крижај му врачи пригодна награда.

Promok Franz од Австрија со време од 01:49:84 е победник на слаломска трка на 37. Шарпланински куп која се возеше на патеката Езерино, веднаш зад него е Dimitriadis Vassilis од Грција со вкупно време од 01:49:85, додека третото место го зазеде бугарскиот скијач Georgiev Stefan со време од 01:50:13, нашиот најдобар натпреварувач е Антонио Ристевски го освои 6 место со време од 01:52:41.

Cater Martin од Словенија со време од 01:56:09 е победник на велеслаломска трка на 37. Шарпланински куп која се возеше на патеката Орлова, веднаш зад него е Promok Franz од Австрија со вкупно време од 01:56:15, додека третото место го зазеде бугарскиот скијач Georgiev Stefan со време од 01:57:33, трката ја завршија 39 натпреварувачи.

Премиерот Никола Груевски го прогласи за отворен 37. Шарпланински куп, кој ќе стартува во сабота со трката во велеслалом на патеката Орлова и трката во слалом во недела на патеката Езерино. Годинешниов 37. Шарпланински куп е еден од најинтересниот поради големиот број на натпреварувачи.

Десет земји со 57 натпреварувачи овој викенд ветуваат возбудувања и претставување на Шарпланинскиот куп во вистинско светло.