Миха Кирнер од Словенија е севкупен победник на 40-тото јубилејно издание на Шарпланинскиот Куп, откако триумфираше во двете слаломски трки кои се возеа на патеката Езерино, што заедно со второто место освоено во велеслалом му ја донесе овогодинешната титула.

Второто место севкупно го освои неговиот сонародник Матиц Скубе, кој беше победник во велеслалом, а третото место го освои Никола Чонгаров од Бугарија.

- Се забллагодарувам за добрата организација на двете трки кои се одржаа во многу тешки временски услови. Задоволен сум од победата и од тоа што го добив шарпланинецот Шарко и се надевам дека ќе се вратам и за следните трки тука на Шапка, рече Кирнер.

Сите оние што не можат без скијање, сега имаат единствена можност да бидат дел од најстарата скијачка манифестација во Македонија - Шарпланински куп!

За таа цел, во Скопје Сити Мол за вас организиравме забавни активности што не смеете да ги пропуштите доколку сакате да освоите бесплатен превоз за јубилејниот 40-ти Шарпланински куп што ќе се одржи на 23 и 24 февруари. Сè што треба да напаравите е да дојдете во Скопје Сити Мол во сабота и недела од 12 до 18 часот и да ги испробате вашите ски-вештини на специјална игра со симулатор за скијање.

Од 22 до 24 февруари оваа година, ќе се одржи 40-тото издание на  најстарата скијачка манифестација во Македонија - Шарпланински куп. Ова традиционално натпреварување и оваа година ќе биде под покровителство на Владата на Република Македонија, генерален спонзор АД Електрани на Македонија, спонзори Македонски Телеком и МЕПСО. Директор на натпреварот повторно ќе биде скијачката легенда- Бојан Крижај, а учесниците ќе се натпреваруваат во две трки во машка конкуренција - велеслалом и слалом,  на патеките Орлова и Езерино на Попова Шапка.

На 22 февруари 2013 година започнува јубилејното 40-то издание на Шарпланински Куп. За време на викендот ќе бидат одржани 2 трки во машка конкуренција, велеслалом и слалом. И оваа година покровител на натпреварот е Владата на Република Македонија, а директор на натпреварот е скијачката легенда Бојан Крижај.

Грегор Брајовиќ од Словенија е севкупен победник на 39тиот Шарпланински Куп. Во конкуренција од повеќе од 30 натпреварувачи од 12 земји, Брајовиќ триумфираше на двете трки. После повеќегодишно натпреварување на Шарпланинскиот Куп, ова е негова прва победа. Како победник, Брајовиќ добива преоден пехар, куче Шарпланинец како и парична награда во износ од 3000 евра. Наградата на победникот му ја додели Министерката за внатрешни работи на Република Македонија, Гордана Јанкулоска.